職學資訊

全部資訊

返工Mode

升學Guide

職學資訊

職學資訊 / 升學Guide / 校園INFO

等咗咁耐，終於到咗放榜嘅大日子！相信各位 DSEer 已經收到成績啦！望住成績單上嘅數字，你嘅心情係點？擔心呢個分數夠唔夠入U？煩惱緊 JUPAS 點改先最好？I know that feel bro！所以 I am...青年職學平台就為大家整理咗各大聯招院校嘅收生成績同面試日程，方便大家做最後衝刺。

香港大學

港大採用最佳5科或6科嘅方法計算，繼續實行加分制，第5級換算係5.5分，5*有7分，5**等於有8.5分相信大家都記得晒！另外港大仲有預計收生成績俾你參考，例如 JS6054 文學士就估計22分或以上就獲得取錄！但要留意，預計收生成績只供參考，假如分數「掹車邊」，就要自己衡量下值唔值得搏。睇預計收生成績時亦要留意返嗰一個學系有無加分！

2020年新生入學成績：https://bit.ly/3BnM5KS

2021年預計收生成績：https://bit.ly/3ikFWq8

香港科技大學

科大同樣有上屆入學成績同預計收生成績俾你參考，不過有唔少課程都有單獨嘅加分制，計起上嚟都幾複雜。所以同學記得用科大自家的聯招計數機，揀選想入讀嘅課程，然後直接輸入 DSE 成績，就可以直接計到加權後的分數，計完再直接比較下預計收生成績做參考，好方便㗎。

2020年新生入學成績及聯招分數計數機：https://bit.ly/3gukzjT

2021年預計收生成績：https://bit.ly/3wXl7Xq

香港理工大學

理大同樣實行加分制，同樣係5級、5*、5**有加乘，理大仲有另一套加分系統，唔同學系對唔同 DSE 科目再有5倍、7倍同10倍嘅加乘，所以入學分數會去到二百幾分。但由於理大就無自家計數機，所以就要自己慢慢計。懶得計就只能睇返上屆入學成績做參考。另外留意返，唔少理大課程都有安排喺放榜後嘅面試，面試日程網站除咗有日期，仲有 interview arrangement，包括面試模式、目的、使用語言、時限、注意事項等等。

入學分數計算：https://bit.ly/38wbhkH

2020年新生入學成績：https://bit.ly/2DoXCjH

聯招面試日程：https://bit.ly/2VQHCNU

香港城市大學

城大無統一加分制度，但某啲課程對個別 DSE 科目設有加乘，例如 JS1041 創意媒體學院就為 DSE 英文科設有兩倍加乘。唔想逐科 check 有咩加乘？你可以用城大嘅自家聯招計數機。同樣先揀選有興趣嘅學科，再輸入自己 DSE 成績，就可以換算出嗰科加乘後嘅分數，十分方便快捷。

2020年新生入學成績：https://bit.ly/3hNbFS2

城大聯招計算機：https://bit.ly/2ByNch7

聯招面試日程：https://bit.ly/2Z2eANe

香港浸會大學

浸大入學網站可以一次過睇晒上屆入學成績、入學要求同面試日程，方便鍾意一覽無遺嘅同學，但可能要按多幾下，先搵到想搵嘅資訊。浸大對 DSE 分同樣無統一加分，不過有啲學系會較著重某幾科，於是有額外加分，例如 JS2120 工商管理學士就對英文科有1.5倍嘅加乘。

2020年新生入學成績、面試日程：https://bit.ly/3ir3WZ1

成績比重計算：https://bit.ly/2UtJsGP

香港中文大學

中大同港大嘅成績計算方法一樣，實行第5級或以上嘅加分制，取得第5級的同學換算為5.5分，5*有7分，5**有8.5分。假如你已經對加乘、入學分數等等數字感到煩厭，可以睇睇中大嘅本科招生網站，有學系嘅簡單介紹同師兄師姐分享，內容輕鬆豐富，可以俾計數計到傻嘅大腦休息一下。

中大本科招生網：https://bit.ly/38t8c4P

2020年新生入學成績：https://bit.ly/2UkrwyF

成績比重計算：https://bit.ly/3wXu1nO

聯招面試日程：https://bit.ly/3ziCu6e

香港教育大學

教大各個學系對唔同 DSE 科目有特別的要求，例如報讀 JS8105 中國語文教育榮譽學士，需要 DSE 中文科拎到第5級或以上，有興趣嘅同學記得仔細留意唔同學系嘅要求！

入學分數計算／學科特別要求：https://bit.ly/31VAQu8

2020年新生入學成績：https://bit.ly/3wTiWno

聯招面試日程：https://bit.ly/2O7lNVT

嶺南大學

嶺大亦都無統一加分，但唔同學系對個別 DSE 科目，有不同程度嘅加乘。相比起其他院校嘅自家聯招計數機，嶺大計數機最優勝嘅地方係毋須先選擇學科，只要輸入你嘅 DSE 分數，系統就會計出呢個分數喺唔同學系加乘後，所獲得嘅分數，仲會列埋呢個學系的入學中位數同 Lower Quartile 俾你對照參考。

2020年新生入學成績：https://bit.ly/3rlNfCc

嶺大聯招計算機：https://bit.ly/2Z8luR1

香港公開大學

公大嘅上屆入學成績同學科特別要求網站，都清楚顯示個別學系對唔同 DSE 科目額外嘅加分。唔想自己計？咁就要用公大自家聯招計數機。計數機唔單止會計你喺某一學系嘅加乘分數，仲會列埋上屆嘅入學中位數、LQ ，咁就可以一條龍知道自己嘅分數去到咩位置。

2020年新生入學成績：https://bit.ly/2VZAKke

學科特別要求：https://bit.ly/2Z9WIQM

聯招面試日程：https://bit.ly/3hOXiMU

聯招計算機：https://bit.ly/2UolRHS

相關資訊