要訂立妥善的生涯規劃,個人因素是重要的一環。我們要按照自己的性格、核心需要、價值觀及興趣,選擇適合自己的升學、就業方向。想了解自己的特質,玩「型格人測試」可能是最好的方法。I am...編輯部就邀請不同的嘉賓參與「型格人測試」,為大家示範如何透過測試認識自己!
《蜘蛛俠:不戰無歸》將於明日上映,相信很多影迷(包括我)亦對今次電影相當期待,尤其關心戲中會否出現蜘蛛俠三代同堂。所以在電影未正式上映前, I am...編輯部就先與各位讀者熱熱身,而我們選擇了為 Tom Holland 飾演的蜘蛛俠進行型格人測試,希望令各位影迷可以更加認識蜘蛛俠。
📷 圖片來源:網上圖片
首先要做 Level 1 興趣篇,經過編輯部嚴選,蜘蛛俠的興趣包括:
- 研究複雜嘅學術同抽象問題(製造裝備就已經牽涉好多科學問題)
- 做實驗(不斷研發合適裝備,為應付唔同敵人或實際需要)
- 為人哋表演舞蹈(用蜘蛛絲盪嚟盪去都係舞蹈一種)
- 揸車(未有車牌,已經無牌駕駛)
- 出席唔同嘅場合結識社會人士(認識億萬富豪,甚至到宇宙打怪獸)
- 戶外活動(經常喺室外救人,或者同敵人戰鬥)
- 發明或創作新嘅觀念或事物(因應需要,蜘蛛俠會自主研發有絕緣、防酸、耐火、電擊效果嘅蜘蛛絲。)
- 嘗試新奇但有風險嘅活動(明知做超級英雄會好易死,但仍然義不容辭)
- 輔導朋友、屋企人嘅情緒問題(要令 Aunt May 同其他朋友唔好擔心)
- 用邏輯思考推理問題嘅關鍵所在(查出唔同危機嘅幕後黑手)
- 關心同照顧弱勢人士需要(曾經自稱「社區型英雄」)
- 觀察人、事、物(搵出敵人嘅位置同弱點)
- 自己創業(做超級英雄同創業一樣,都要靠自己)
- 做義工(做英雄,從來不求榮華富貴,純粹覺得係責任)
- 策劃同統籌朋友活動(搵 Doctor Strange 幫手)
蜘蛛俠在興趣篇的測試結果是......思考人!始終救人或拯救世界都要智取,不能夠單靠力量就解決到所有問題。
然後再做 Level 2 能力篇。蜘蛛俠的能力包括......
- 有運動天份,動作靈活同手腳協調(不單止飛簷走壁,仲可以避埋子彈)
- 隨機應變(經常要突然間救人,或者拯救世界)
- 運用邏輯推理解開相關嘅智力題(拯救世界要用埋腦力,唔能夠單靠蠻力 )
- 掌握到科學實驗嘅技巧(將實驗成果套用在各種裝備上)
- 有修理物品嘅能力(裝備出現問題,要靠自己能力維修)
- 好識同人溝通(蜘蛛俠出名係好中意講嘢,有佢講冇人講)
- 擅長處理一啲突發狀況(經常同敵人戰鬥期間要救人)
- 解決難題嘅能力(面對唔同敵人都要靠一己之力,化險為夷)
- 有足夠體能應付日常嘅體力勞動工作(拯救世界,對付唔到敵人就需要擁有超越普通人嘅體力)
- 比其他人更易上手去操作機械(就算 Tony Stark 冇教佢用任何裝備,佢都識無師自通)
- 好識同人打交道(同唔同類型超級英雄都相處到,就算嚟自唔同星球都唔係問題)
- 有好好嘅社交技巧同人緊密聯繫(同好多擁有神秘能量嘅人做到朋友,仲唔係需要好好嘅社交技巧先做到?)
蜘蛛俠在能力篇的測試結果是......思考人和行動人!盡顯他是腦力及力量均備的超級英雄!
📷 圖片來源:《蜘蛛俠:不戰無歸》預告截圖
最後完成 Level 3 職業篇後,蜘蛛俠的型格人就會揭曉。
- 汽車維修員(識得製作蜘蛛裝備,做汽車維修完全冇難度)
- 消防員(救急扶危,捨己為人,為市民服務)
- 社工(幫助有需要嘅人,令社會大眾減少痛苦)
- 酒店老闆(要24小時工作,為其他人提供安心居住環境)
- 化學家(識得製作唔同用途嘅蜘蛛絲)
完成三個 Level 的測試,終於得出結果了。蜘蛛俠是行動人、思考人、和熱心人!三種型格特質可以概括他的英雄人生。
行動人:雖然知道做超級英雄必定會遇到很多考驗,而且全年無休,但蜘蛛俠仍願意擔起這個責任,因為他相信「能力越大 責任越大」。
思考人:面對數之不盡及強大的敵人,蜘蛛俠須時刻思考如何行動,畢竟每個敵人有不同特式及弱點,不能將一個方法應對在所有敵人身上。
熱心人:做超級英雄必須要有救急扶危的心,隨時要捨己為人。
如果你也想知道自己屬於那一種型格人,就要立即到型格人測試專區,做型格人測試吧!